Архив событий

Солтүстік Қазақстан облысының Жамбыл аудандық соты 2016 жылдың ақпанында 48 жасар Нұржамал Нұрғалиева лауазымдық өкілеттігін асыра пайдаланғаны және қызмет бабында жалған құжат жасағаны үшін кінәлі деп танылды. Бала-бақшаның бұрынғы меңгерушісі миллионнан астам теңгеге (510 АЕК) айыппұл төлеуге міндеттеліп, мемлекеттік қызметпен байланысты лауазымдарды атқару құқығынан өмір бойына айырылған болатын. Сотта анықталғандай, балабақшаны басқарған Н.Нұрғалиева У.-ді оның өтініші бойынша жұмыстан босатып, оған еңбекақы мен зейнетақы төлемдерін төлеуді жалғастырған.

Жаяу жүргіншілер өткелінен өтіп бара жатқан жәбірленушіні қағып, абайсызда оның денсаулығына ауырлығы орташа зиян келтірген көлік жүргізушісіне қатысты қылмыстық іс тараптардың медиация тәртібімен татуласуына байланысты өндірістен тоқтатылды.

 Сол күні А.-ның сеніміне кіріп, 100 000 теңгесін алған М.-ға қатысты алаяқтық фактісі бойынша қылмыстық іс те медиация тәртібімен аяқталды.

Астана қаласы мамандандырылған ауданаралық экономикалық сотына ЖШС басқа ЖШС-дан берешекті өндіріп алу туралы талап арызбен жүгінді.

Сотта анықталғандай, елордалық компаниялардың арасында астаналық объектілердің бірінде жол төсемін орындау бойынша құрылыстық мердігерлік шарт жасалған. Оның талаптарына сәйкес жауапкер көрсетілген қызметті қабылдауға және уақтылы төлемақы жасауға міндеттеме алған.