Медиация

Алматы облыстық сотында татуластыру рәсімдері бойынша сұрақтар талқыланды

10/08/2017

Алматы облыстық сотында облыстық және аудандық соттардың судьялары, адвокаттар мен медиаторлардың қатысуымен «Татуластыру рәсімдері. Дауды партисипативтік рәсім тәртібімен реттеу және оның орындалуы» тақырыбына дөңгелек үстел өткізілді. Бір ерекшелігі, шалғай аудандардағы медиаторлар мен адвокаттар бейнебайланыс арқылы іс-шараға қатысты. Іс-шараның модераторы ретінде облыстық сотының судьясы, оқу бағдарламаларының үйлестірушісі С. Нұрқасымова болды.

Риддерде сот залалды өндіріп алу туралы дауды медиация арқылы реттеді

12/07/2017

Риддер қалалық соты материалдық шығын мен моральдық залалды өндіріп алу туралы азаматтық істі қарады.

У. Риддер қалалық емханасынан және М.-дан емнің дұрыс жүргізілмеуі салдарынан екі аяғын кесіп тастағаны үшін 5 000 000 теңге моральдық залал, 100 000 теңге көлемінде материалдық шығынды өңдіру туралы талап арызбен жүгінді.

Істі қарау барысында тараптар дауды медиация тәртібінде реттеуді сұрады.  

Қостанайда 15 млн. теңге қарызды өндіру туралы азаматтық іс медиация тәртібімен шешілді

11/07/2017

2014 жылғы наурызда талапкер мен ЖШС арасында қарыз шарты бекітіліп, оның талабына сай талапкер  ЖШС-ке арнайы техника алу үшін және айналымдағы қаражатты толықтыруға 2016 жылдың 31 желтоқсанына дейін 50 мың АҚШ доллары мөлшерінде қарыз ақша берген. Қаражатты алушы  жауапкер қолхат берген.

Алайда, қарызды қайтару мерзімі келгенімен серіктестіктен бүгінгі күнге дейін ақшасын ала алмаған  азамат сотқа жүгінуге мәжбүр болған. Ол кезеңде қарыз соммасы 15 млн. теңгені құраған.

Маңғыстау облыстық сотында еңбек даулары бойынша татуласу рәсімдерін қолдану мәселелері талқыланды

27/06/2017

Талқылауға судьялар, медиаторлар, үкіметтік емес ұйымдардың және кейбір заңды тұлғалардың өкілдері қатысты.

Семинар жұмысы басталар алдында облыстық соттың татуласу рәсімдері бойынша үйлестіруші-судьясы Гүлжахан Иманғалиева мен «Медиацияны дамыту орталығы» республикалық қоғамдық бірлестігінің өкілі Салтанат Абдухадирова ынтымақтастық туралы меморандумға қол қойды.

Жоғарғы Сотта ABA ROLI ұйымының медиация жөніндегі сарапшысы А.Залармен кездесу өтті

16/06/2017

Еліміздің жоғары сот органында Жоғарғы Соттың мамандандырылған сот алқасының төрағасы Айгүл Қыдырбаева ABA ROLI ұйымының медиация жөніндегі сарапшысы А.Залармен кездесу өткізді.

Іс-шараға Жоғарғы Соттың судьялары мен аппарат қызметкерлері, ABA ROLI-дің сот жүйесі бойынша бағдарламасының мамандары мен Қазақстан Республикасының жанындағы «Қоғамдық келісім» РММ өкілдері қатысты.

Қостанайда университет ғимаратында медиация кабинетінің салтанатты ашылуы өтті

02/06/2017

Академик З.Алдамжаров атындағы Қостанай әлеуметтік-техникалық университетімен өзара іс-қимыл жөнінде бекітілген меморандум аясында Қостанай облыстық сотының төрағасы Асламбек Мерғалиев аталған оқу орнында салтанатты түрде медиация кабинетінің ашылуы рәсіміне қатысты.

Павлодарда сот 40 медиациялық келісім жасап, қылмыстық істі қысқартты

30/05/2017

Ақтоғай аудандық сотында ҚР ҚК-нің 189-бабы 2-бөлігінің 2-тармағында көзделген қылмысты, яғни ірі қара малды иемденіп, талан-таражға салып, жәбірленушілерге 21 390 000 теңге сомасында материалдық зиян келтірген азамат А.-ға қатысты қылмыстық іс қаралды.

Іс материалдарына сәйкес, жылқышы болып жұмыс істеген сотталушы 2015 жылғы мамырдан бастап 2016 жылғы тамыз аралығында 142 жылқы б ұрлап, оларды басқа адамдарға өткізген.

Бітімге келтіру – атадан қалған асыл мұра

29/05/2017

Маңғыстау облыстық соты «Бітімге келтіру – атадан қалған асыл мұра» тақырыбында семинар өткізді.

Іс-шараға Маңғыстау облыстық сотының қылмыстық істер жөніндегі апелляциялық сот алқасының төрағасы Ержан Қарабаев, татуластыру  рәсімдері бойынша үйлестіруші судья Гүлжахан Иманғалиева, аудандық және оған теңестірілген соттардың  судьялары, кәсіби және кәсіби емес медиаторлар, адвокаттар, үкіметтік емес ұйымдар және БАҚ өкілдері  қатысты.

Атырауда келтірілген шығынды өндіру туралы дау тараптар арасында бітімгершілік келісімнің жасақталуымен шешілді

24/05/2017

Атырау облысының Қызылқоға аудандық сотына «Жас қайрат асыл тұқымды қой зауыты» ЖШС жауапкер Ғ.А.-дан оған сеніп тапсырылған қойдың жетіспеуіне байланысты 3 720 000 теңге шығынды өндіру туралы талап арызымен жүгінген.

Сотта анықталғандай, жауапкер 2014 жылдан бастап ЖШС-те бақташы болып қызмет атқарған, онымен толық материалды жауаптылық жөнінде шарт жасақталған. Отардағы қой басы санын түгендеу кезінде 3 720 000 теңгені құрайтын 186 бас қойдың жетіспейтіндігі анықталған.

Жол-көлік оқиғасында анасынан айырылған Қостанай тұрғыны сотта көлік жүргізушісімен бітімгершілікке келді

16/05/2017

Жол-көлік оқиғасы салдарынан анасы қаза тапқан Қостанай тұрғыны маршруттық автобус жүргізушісін жазалау үшін азаматтық тәртіпте сотқа жүгінген.

Жолдан өтпек болған 78 жастағы зейнеткерді автобус соғып, ол жарақат салдарынан ауруханада қаза тапқан. Жүргізушінің кінәсі өз дәлелін таппай, оқиға бойынша қылмыстық іс оның әрекетінде қылмыстық іс құрамы болмауына орай тоқтатылған. Алайда, азаматша соттан әлеуметтік әділеттілік үшін жүргізушіден моральдық залал өніруді сұраған.

Беттер


Subscribe to RSS - Медиация
Пікірлер мен ұсыныстар