Бс, 30/10/2014 - 22:19
2014 жылғы 29 қазанда Бейбітшілік және Келісім сарайында «Тіл – татулық тірегі» атты республикалық ведомствоаралық байқау өтті. Байқауға құқық қорғау органдары мен күш құрылымдары қызметкерлерінен құралған 8 команда қатысты: Жоғарғы Сот, Бас прокуратура, Ұлттық қауіпсіздік комитеті, Мемлекеттік күзет қызметі, Ішкі істер министрлігі, Қорғаныс министрлігі, Мемлекеттік қызмет істері және сыбайлас жемқорлыққа қарсы іс-қимыл агенттігі, Қаржы министрлігінің Мемлекеттік кірістер комитеті.
Байқаудың басты мақсаты – мемлекеттік тілдің қолданыс аясын кеңейту, оның мемлекеттік қызметтегі және қоғамдық өмірдегі мән-маңызын насихаттау.
Байқау таныстыру, Қазақстан халықтарының салт-дәстүрлері туралы сахналандырылған көрініс, патриоттық әндер жарысы, мемлекеттік органның негізгі қызметі туралы презентация және қазақ тілінің өзекті мәселелеріне арналған пікірсайыс секілді 5 кезеңнен құралды.
Конкурс қорытындысы бойынша Жоғарғы Соттың аппарат қызметкерлерінен құралған «Алқабилер» командасы жүлделі үшінші орынды иеленді.