жм, 31/10/2014 - 18:23
Бүгін Жоғарғы Сот бейнеконференцбайланыс арқылы облыстық және оған теңестірілген соттармен «Жеке айыптау істері бойынша қылмыстар» тақырыбында бейнедәрісін өткізді.
Ұйымдастырылған бейнедәріс Қылмыстық, Қылмыстық-процестік, Қылмыстық-атқару кодекстерінің және Әкімшілік құқық бұзушылықтар туралы кодекстің новеллаларын зерттеуге арналған дәрістер циклында төртінші болып табылады.
Бейнедәріс барысында Жоғарғы Соттың судьясы Л.А.Ағыбаева 2015 жылғы 1 қаңтардан бастап қолданысқа енгізілетін Қылмыстық-процестік кодекстің новеллаларын, жеке айыптау істерін басқа санаттағы істермен салыстырғанда оны қарау ерекшеліктерін түсіндірді. Сонымен бірге дәрісшеңберінде жеке айыптау істерін қараған кезде туындайтын сот практикасының мәселелері талқыланды.