Дс, 22/08/2016 - 09:01
Астрахан ауданы пошта байланыс торабының басшысы, оның орынбасары, бас бухгалтер және касса меңгерушісі 2013-2015 жылдар аралығында ірі мөлшерде қаржы жымқырған. Олар өздерінің қылмыстық әрекетін жасыру мақсатында бухгалтерлік құжаттарға жалған жазбалар енгізіп, қызметтiк жалғандық жасаған. Олар қаражатты жымқыру кезінде бір-біріне жәрдемдескен. Астрахан ауданы пошта байланыс торабының басшысы 7 087 911 теңге, оның орынбасары 4 335 000 теңге, бас бухгалтер 6 918 000 теңге, касса меңгерушісі 2 728 000 теңге жымқырған.
Сот үкімімен Астрахан ауданы пошта байланыс торабының басшысына ҚР ҚК-нің 189-бабы 4-бөлігінің 2-тармақшасына сәйкес («Сенiп тапсырылған бөтен мүлiктi иемденiп алу немесе талан-таражға салу»), 369-бабының 1-бөлігібойынша («Қызметтiк жалғандық жасау») жасалған қылмыстары үшін кінәлі деп танылып, қылмыстық жолмен табылған мүлкі тәркілене отырып, мекемеде, кәсіпорындар мен ұйымдарда, мемлекеттік органдарда мемлекеттік қызметпен айналысу құқығынан өмір бойына айыра отырып, 7 жылға бас бостандығынан айыру түрінде жаза тағайындалды.
Басшының орынбасары ҚР ҚК-нің 190-бабы 4-бөлігінің 2-тармақшасына сәйкес («Алаяқтық») жасалған қылмыстары үшін кінәлі деп танылып, оған қылмыстық жолмен табылған мүлкін тәркілене отырып, мекемеде, кәсіпорындар мен ұйымдарда, мемлекеттік органдарда мемлекеттік қызметпен айналысу құқығынан өмір бойына айыра отырып, 5 жылға бас бостандығынан айыру түрінде жаза тағайындалды. Сонымен қатар, «Қазпошта» АҚ-ның пайдасына материалдық залал өндірілді.
Сот үкімімен Астрахан ауданы пошта байланыс торабының бас бухгалтері ҚР ҚК-нің 190-бабы 4-бөлігінің 2-тармақшасымен («Алаяқтық»), 28-бабының 5-бөлігі бойынша («Қылмыстық құқық бұзушылыққа сыбайлас қатысушылардың түрлерi»), 189-бабы 4-бөлігінің 2-тармақшасына сәйкес («Сенiп тапсырылған бөтен мүлiктi иемденiп алу немесе талан-таражға салу») жасаған қылмыстары үшін кінәлі деп танылып, оған мекемеде, кәсіпорындар мен ұйымдарда, мемлекеттік органдарда мемлекеттік қызметпен айналысу құқығынан өмір бойына айыра отырып, 7 жылға шартты түрде бас бостандығынан айыру түрінде жаза тағайындалды.
Сонымен қатар, касса меңгерушісі ҚР ҚК-нің 189-бабы 3-бөлігінің 1-тармақшасына, 189-бабы 4-бөлігінің, 2-тармақшасына («Сенiп тапсырылған бөтен мүлiктi иемденiп алу немесе талан-таражға салу»), 28-бабының 5-бөлігіне сәйкес («Қылмыстық құқық бұзушылыққа сыбайлас қатысушылардың түрлерi») қылмыс жасағаны үшін кінәлі деп танылып, оған мекемеде, кәсіпорындар мен ұйымдарда, мемлекеттік органдарда мемлекеттік қызметпен айналысу құқығынан өмір бойына айыра отырып, 7 жылға шартты түрде бас бостандығынан айыру түрінде жаза тағайындалды.
Үкімдер заңды күшіне енген жоқ.
Ұқсас мәліметтер
- Ақмола облыстық сотында сақтандыру компанияларына әкімшілік құқық бұзушылықтар туралы қаулылардың электронды түрдегі қаулыларды ұсыну бойынша пилоттық жобаны іске қосу мәселелерін талқылады
- Ақмола облысында жаңа тағайындалған судьялар таныстырылды
- Алматы облыс әкімінің орынбасарына қатысты қылмыстық іс қаралды