Құрметті оқырмандар!
Сіздерді Астана күнімен шын жүректен құттықтаймын!
Биыл Астана өзінің 20 жылдығын тойлағалы отыр. Бұл тәуелсіз еліміз үшін айтулы мереке – Қазақстан халқының мүмкіндіктері мен алға ұмтылысының жарқын көрінісі. Аз ғана тарихи кезеңде елордамыз облыс орталығынан қазіргі заманға сай қайталанбас сәулеттік стилі бар, құлашын кеңге сермеп, дамып келе жатқан әсем қалаға айналды. Астана бұл күнде саяси, экономикалық және мәдени орталық ретінде әлемге танылып отыр.