Бүгін Ақтөбе облыстық сотында кәсіпкерлердің құқықтарын қорғау мәселелері бойынша дөңгелек үстел өтеді.
2014 жылдың 17 қаңтарында Елбасы өз жолдауында «Кіші және орта бизнес – бұл біздің жалпы еңбек қоғамымыздың мықты экономикалық негізі»,- деп атап көрсетті. Оның дамуы үшін жеке меншік заңнамалары бойынша кешенді шешімдер қажет.
Маңғыстау облысының Ақтау қалалық сотының үкімімен Өмірзақ кентінің бұрынғы әкімі А.Мұғаловқа мүлкі тәркіленумен 8 жылға бас бостандығынан айыру жазасы тағайындалып, сондай-ақ 5 жыл мерзімге дейін белгілі бір лауазымды атқару құқығынан айырылып, әкімдіктің бас маманы Р.Өтешов мүлкі тәркіленумен 7 жылға бас бостандығынан айырылып, 3 жыл мерзімге дейін белгілі бір лауазымды атқару құқығынан айырылып, жазаларын жалпы режиміндегі түзеу колониясында өтеуге сотталды.
Бүгін Алматы қаласында «Қазжол» қонақ үйде «Сот жүйесінің БАҚ-пен өзара іс-әрекеті және баспасөз хатшыларының рөлі» тақырыбына арналған екі күндік семинар басталды.
Аталған іс-шараны Жоғарғы Сот Астана қаласындағы ОБСЕ орталығы және «Әділ сөз» сөз бостандығын қорғау халықаралық қорымен бірлесіп ұйымдастырды.
Азаматтық сот өндірісінде судьяның қатысуымен бітістіру рәсімін енгізу туралы пилоттық жобаны жүзеге асыру шеңберінде сот медиациясын қолдану мәселесі бойынша құқықтық түсіндіру жұмыстары тұрақты түрде жүргізілуде.
Пилоттық жобаны насихаттау мақсатында коммуналдық қызметтер, банктік заем келісім-шарт бойынша қарыздарды өндіріп алу туралы көп көлемдегі талаптармен жүгінетін ұйымдарда түсінік жұмыстары жүргізіліп, жалғасын табуда.
