Архив событий

Республиканың аудандық соттарында азаматтық сот ісін жүргізудегі бітімгершілік рәсімдерді (сот медиациясын) енгізу бойынша пилоттық жоба іске асырылуда.

Жобаны іске асыру басталғалы 4 айдың ішінде сот медиациясын қолданумен 977 іс аяқталды. Оның ішінде аудандық соттар – 934, апелляциялық сатыдағы облыстық соттар – 43 істі аяқтады. Бұл істердің басым бөлігін Шығыс Қазақстан – 32%, Батыс Қазақстан – 20% және Қостанай – 11.5% облыстарының соттарында аяқталды.

Ақтөбе қалалық сотында талап қоюшы азаматша С.И.Шевченко жауапкер Р.В.Беденкоға қарсы, жылжымайтын мүліктен үлесті ақшалай бөлу туралы азаматтық іс қаралды.

Сот отырысы барысында, тараптар Ақтөбе қаласындағы үш бөлмелі жылжымайтын мүліктің иелері болғаны анықталды. Бірақ, тараптар сол пәтердің үлесін анықтау үшін бір шешімге келе алмаған. Талапкердің ескертулері нәтижесіз болғандықтан, сотқа жүгінуге мәжбүрленді.