Сс, 24/05/2016 - 14:43
Күршім ауданының № 2 аудандық соты Күршім ауданының Теректі ауылдық округі әкімдігінің ғимаратында жаңадан ашылған медиация бөлмесінде «Медиация – бітімгершілік институты» тақырыбында "дөңгелек үстел" өткізді.
Іс-шараға Теректі ауылдық округі әкімі, кәсіби емес медиаторлар және жергілікті мемлекеттік органдар өкілдері қатысты.
"Дөңгелек үстел" барысында судья Салтанат Жүніспекова медиация кабинетінің азаматтарға «Медиация туралы» Заңның нормаларын жеткізу және сотқа дейін дауды медиация арқылы шешу жұмыстарын жүргізу мақсатында ашылғандығын атап өтті.
Судья медиацияның қолданылу саласы жеке және заңды тұлғалар қатысатын азаматтық, еңбек, отбасылық және өзге де құқықтық қатынастардан туындайтын, сондай-ақ онша ауыр емес және ауырлығы орташа қылмыстық істер бойынша қылмыстық сот ісін жүргізу барысында қаралатын даулар болып табылатындығын айтты. «Медиация туралы» Заңның 16-бабына сай ауылдық округтердің әкімдері кәсіби емес медиаторлардың тізімін жүргізеді, кәсіби емес медиаторлардың тізімі уәкілетті органның интернет-ресурсында қазақ және орыс тілдерінде орналастырылатындығы атап өтілді.
Шара соңында "дөңгелек үстелге" қатысушылар өзекті мәселелерді талқылап, өзара пікір алмасты.
Ұқсас мәліметтер
- Шығыс Қазақстан облысында медиацияны жаңа заңнама тұрғысынан қолдану мәселелері бойынша «дөңгелек үстел» өтті
- Астана қалалық соты «Азаматтық сот ісін жүргізудегі татуласу рәсімдері» тақырыбында «дөңгелек үстел» өткізді
- Шығыс Қазақстан облысы Катонқарағай аудандық сотында «Бітімгерлік рәсімдерін насихаттау және оларды азаматтық және қылмыстық сот ісін жүргізуде қолдану» тақырыбында «дөңгелек үстел» өтті