Дс, 27/10/2014 - 19:26
Соңғы кезде соттарда ата-аналарының өз балаларына қатысты ата-ана құқықтарынан айыру туралы талап арыздардың түсуі көбейіп келе жатыр. Мәселен, Ақмола облысының кәмелетке толмағандардың істері жөніндегі мамандандырылған ауданаралық сотына 2013 жылдың 9 айында ата-ана құқықтарынан айыру туралы 149 талап арыз түскен болса, ал 2014 жылдың 9 айында түскен талап арыздар саны 169-ға жеткен.
Сот ата-ана құқықтарынан айыру барысында жауапкерді (ата-ананы) және мүдделі тұлғаларды, егер олар өздерінің тәртіптерін, өмірге және баланы тәрбиелеуге деген көзқарастарын түбегейлі өзгертетін болса, ата-аналық құқықтарын қайта қалпына келтіруге болатыны туралы ескертеді.
Өкінішке орай, ата-аналардың барлығы бірдей ата-аналық құқықтарын қалпына келтіруге тырыспайды. 2014 жылдың 9 айында ата-аналық құқықтарын қалпына келтіру туралы небәрі 18 талап арыз ғана түскен.