жм, 27/01/2017 - 09:16
Алматы қаласы Бостандық аудандық сотына талапкер Х. Алматы қаласының Әкімдігіне, «Алматы қ. тұрғын үй және тұрғын үй инспекциясының басқармасы» КММ-не арызымен жүгінген.
Талап арыздың мәні - ІІ-топ мүгедектің, «Ұлы Отан Соғысына қатысушылар мен мүгедектерге теңестірілген тұлғалар» санаты бойынша жауынгер-интернационалисттың Бостандық ауданы Әкімінің шешіміне сәйкес үйге кезекке тұру кезеңін 2009 жылдың 15 желтоқсан айынан 2014 жылдың 6 маусым айына ауыстыру туралы 11 қараша 2016 жылғы қала Әкімдігі тұрғын үй комиссиясының шешімін заңсыз деп тану. Сонымен қатар, соттан «Алматы қ. тұрғын үй және тұрғын үй инспекциясының басқармасы» КММ-нен жол берілген бұзушылықтарды реттеуді және кезекті қалпына келтіруді сұрады.
Сот талапкер Х-ң талаптарын ішінара қанағаттандырды. Сот Алматы қаласы Әкімінің кезекті ауыстыру туралы шешімін заңсыз деп танып, Алматы қаласы Әкімдігін Х-тың құқығының, заңды мүддесінің бұзушылықтарын жоюды міндеттеді.
Сот шешімі заңды күшіне енген жоқ.