Семей қалалық соты бұрынғы қызметкердің пайдасына ЖШС-ден денсаулыққа келтірілген зиянды өтеу және еңбекақыны өндіру негізінде 400 мың теңгеден астам өтемақы өндірді
Семей қалалық соты денсаулыққа келтірілген зиянды өтеу және еңбекақыны өндіру туралы азаматтық істі қарады.
Талапкер өзінің талап арызында «Семейпластком» ЖШС-де 2013 жылдың 4 шілдеде сылау-сырлаушы міндетін атқарып жүрген кезде биіктігі 2,5 метрден құлап, өндірістік жарақат алғанын, соның салдарынан сүйектері сынып, денсаулығына зақым келтірілгенін көрсеткен. Бұған қоса, 2015 жылдың қараша айынан бүгінгі күнге дейін өндірістің бос тұруына байланысты еңбекақы алмағанын айтты.