Алматы қаласы Әуезов ауданының № 2 аудандық сотта электрондық-сандық қолтаңба беру бойынша пилоттық жоба қолға алынды
Алматы қаласы Әуезов ауданының № 2 аудандық сотта талап арыздар мен басқа да арыздарды «Сот кабинеті» электрондық жүйесі арқылы азаматтарға электрондық-сандық қолтаңба беру жөнінде бастапқы пилоттық жоба жүруде.
Аталған жоба Алматы қалалық сотының бастамасымен Алматы қаласының Халыққа қызмет ету орталығымен бірлесіп «Сот кабинеті» жүйесімен азаматтарды таныстыру және сервистік қызметті кең көлемде қолданумен қамтамасыз ету мақсатында іске асырылады.