Архив событий

10/06/2016

Венециялық комиссия Қазақстан судьялары әдеп кодексінің жобасы бойынша қорытындыны бекітті

10/06/2016

Ағымдағы жылғы 10-11 маусымда құрамына Конституциялық Кеңес Төрағасы Игорь Рогов, Жоғарғы Сот Төрағасы Қайрат Мәми және Судьялар одағының хатшысы Сансызбек Райымбаев кіретін қазақстандық делегация Венеция қаласында өткен Демократияға құқық арқылы Еуропалық комиссиясының 107 жалпы отырысының жұмысына қатысты. Іс-шара шеңберінде Қазақстанның Судьялар әдебі кодексінің жобасы бойынша Комиссия сарапшыларының қорытындысы талқыланды.

Жоғарғы Сот Ф.Эберт атындағы қормен және ЕҚЫҰ-мен бірлесіп, БАҚ-пен өзара іс-қимыл бойынша үйлестіруші-судьяларға арналған семинар-тренинг өткізді

10/06/2016

Астанада республиканың барлық өңірлерінен келген БАҚ-пен өзара іс-қимыл бойынша үйлестіруші-судьяларға арналған «Сот ақпаратын ілгерілетудегі PR-технология шеберлігі» атты екі күндік семинар-тренинг өтті.

Семинар жұмысына Жоғарғы Соттың судьялары Ербол Рахымбеков, Елена Максюта, Бағлан Мақұлбеков, сондай-ақ ЕҚЫҰ-ның Астанадағы Бағдарламалар кеңсесінің саяси мәселелер жөніндегі кеңесшісі Колин Маккала және Ф.Эберт атындағы қордың басшысы Зәуреш Шутова қатысты.

Солтүстік Қазақстан облыстық сотында мемлекеттік органдардың іс-әрекеттеріне шағымдану жөніндегі істерге қатысты мәселелер талқыланды

10/06/2016

Солтүстік Қазақстан облыстық сотында «Мемлекеттік органдардың іс-әрекеттеріне шағымдану» тақырыбында «дөңгелек үстел» өткізілді. Оған облыстық, аудандық соттардың судьялары, «Нұр Отан» партиясы филиалының, прокуратура, Кәсіпкерлер палатасы, үкіметтік емес ұйымдар мен мемлекеттік органдардың өкілдері қатысты.

Іс-шараны ашқан облыстық соттың төрағасы Мұратғали Әкетай Қазақстан Республикасының Конституциясында әр азаматтың құқықтары мен бостандығының сот арқылы қорғалуына кепілдік берілетінін атап өтті.

Жоғарғы Сотта алаяқтық туралы істер бойынша кеңес өтті

10/06/2016

Жоғарғы Соттың қылмыстық істер бойынша сот алқасының төрағасы Абай Рахметулин алаяқтық туралы істер бойынша бірыңғай тергеу-сот практикасын қалыптастыру мәселелері бойынша кеңес өткізді.

Кеңес жұмысына Бас Прокурордың орынбасары Е.А. Кененбаев, Ішкі істер министрінің орынбасары Е.З. Тұрғымбаев, Президент Әкімшілігінің Құқық қорғау жүйесі бөлімі меңгерушісінің орынбасары М.И. Сексембаев, құқық қорғау органдарының өкілдері, Жоғарғы Соттың, Астана қаласы және аудандық соттардың судьялары, Жоғарғы Сот жанындағы Департаменттің жауапты қызметкерлері қатысты. 

Астана қаласының ювеналдық соты республика судьялары үшін семинар өткізді

10/06/2016

Қазақстан Республикасы Жоғарғы Сонының жанындағы Сот төрелігі академиясы мен Астана қаласының кәмелетке толмағандар істері жөніндегі мамандандырылған ауданаралық сотының ұйымдастыруымен «Әр түрлі жастағы балалардың психологиялық ерекшеліктері» тақырыбында ювеналдық істерді қарайтын судьяларға арналған оқыту семинары өтті.

Ақмола облысының Есіл аудандық соты дауды медиация тәртібімен реттей отырып, 13 азаматтық істі қарады

10/06/2016

2016 жылдың 5 айында Ақмола облысы Есіл аудандық соты 238 азаматтық істі қарады, соның ішінде 13 іс дауды медиация тәртібімен реттеу арқылы және 3 іс бітімгершілік келісімі арқылы қаралды.

Медиациялық рәсімдер сотта «Медиация туралы» Қазақстан Республикасының Заңына және Қазақстан Республикасы Азаматтық процестік кодексінде белгіленген ерекшеліктерге сәйкес өткізіледі.

Жамбыл облыстық сотында жаңадан тағайындалған судьялар таныстырылды

10/06/2016

Жамбыл облыстық сотының төрағасы Рүстем Алшынбаевтың қатысуымен жалпы отырыста жаңадан тағайындалған судьяларды таныстыру және Тараз қалалық № 2 сотының судьясы Мақұлбек Мырзақұловты құрметті демалысқа шығарып салу рәсімі өтті.