Архив событий

06/06/2016

Департамент басшысы мемлекеттік тілді дамытуға қосқан үлесі үшін Тілеулі Бекбосынға алғыс білдірді

06/06/2016

Жоғарғы Сот жанындағы Соттардың қызметін қамтамасыз ету департаментінің басшысы Ілияс Испанов Департаменттің Ақпараттық қамтамасыз ету бөлімі Мемлекеттік тілді дамыту және редакциялық-баспа жұмысы секторының меңгерушісі Тілеулі Ғасылұлы Бекбосынға зейнеткерлікке шығуына орай мемлекеттік тілді дамытуға қосқан үлесі үшін алғыс білдірді.

Алғыс хат ұсына отырып, І.Испанов Т.Бекбосынның республика сот органдарының мемлекеттік тілдегі іс қағаздары мен сот ісін жүргізуді дамытуға қосқан үлесін атап өтті.

Атырауда Қазақстан Республикасы Судьялар одағының VIII спартакиадасының Батыс аймақтық ойындары өтті

06/06/2016

Өткен аптаның жұма және сенбі күндері Атырау қаласында Қазақстан Республикасы Судьялар одағының VIII спартакиадасының Батыс аймақтық ойындары өтті. Спартакиадаға Ақтөбе, Маңғыстау, Қызылорда, Атырау және Батыс Қазақстан облысы соттары судьяларының құрама командалары қатысты.

Спартакиаданың салтанатты ашылу рәсіміне Атырау облысының әкімі Нұрлан Ноғаев, қала әкімі Нұрлыбек Ожаев, жергілікті мемлекеттік және құқық қорғау органдарының басшылары, Ақтөбе, Маңғыстау, Қызылорда, Атырау және Батыс Қазақстан облыстық соттарының төрағалары қатысты.

Жоғарғы Сот Төрағасы азаматтардың кезекті қабылдауын өткізді

06/06/2016

Бүгін Қазақстан Республикасы Жоғарғы Сотының Төрағасы азаматтардың кезекті қабылдауын өткізді.

Бұл күні Қайрат Мәмидің қабылдауында республика бойынша 11 адам болды.

Жоғарғы Сот Төрағасына жүгінгендердің көбісі жергілікті соттардың шығарған сот шешімдерімен келіспейтіндіктерін жеткізді. Осы азаматтарға заңнамаға сәйкес жоғары сот сатыларына шағым келтіру тәртібі түсіндірілді.

Жоғарғы Сот Төрағасының қабылдауында болғандар өз сұрақтарына толыққанды жауап алды. 

Ақмола облыстық сотының жаңа судьялары тағайындалды

06/06/2016

Ақмола облыстық сотының төрағасы Нұрғазы Әбдіқанов облыстық соттың жалпы отырысында Ақмола облыстық сотының жаңа тағайындалған судьяларын таныстырды.

Қазақстан Республикасы Президентінің Жарлығымен Ақмола облыстық сотының судья қызметіне Зәуре Байболова Ақмола облысы мамандандырылған ауданаралық экономикалық сотының судьясы қызметінен босатылып және Светлана Рахметова Ақмола облысы Көкшетау қалалық сотының судья қызметінен босатыла отырып тағайындалды.

Қостанай облыстық соты өз анасының қазасына кінәлі азаматты мұрагерліктен шеттетті

06/06/2016

Қостанай қаласының тұрғыны лайықсыз мұрагерді шеттету туралы арызын қанағаттандырмаған бірінші сатыдағы сот шешіміне апелляциялық шағыммен облыстық сотқа жүгінді. Шағым иесі қызы А-ның қазасынан кейін оның пәтеріне бірінші кезектегі мұрагер екендігін атап көрсеткен.

Қарағанды облысының МАЭС қоршаған ортаға келтірілген зиян сомасын өндірді

06/06/2016

Қарағанды облысының мамандандырылған ауданаралық экономикалық соты «Қарағанды облысы бойынша Экология департаменті» республикалық мемелекеттік мекемесінің «Аққұм» жауапкершілігі шектеулі серіктестігінен қоршаған ортаға зиян келтіргені үшін 109 316 970 теңге мөлшеріндегі соманы өндіріп алу туралы талап арызын қарады.