Қостанай облысында жаңадан тағайындалған судья мен жергілікті соттардың жаңа төрағалары таныстырылды
Қостанай облыстық сотының ұжымына Қазақстан Республикасы Президентінің осы жылдың 3 қарашасындағы Жарлығымен облыстық сот судьясы және аудандық сот төрағасы болып тағайындалған судьялар таныстырылды.
Қостанай облыстық сотының төрағасы Асламбек Мерғалиев облыстық соттың ұжымына судья Айгүл Исқақованы таныстырды. Бұған дейін ол Рудный қалалық сотының судьясы, соңғы жарты жылда аталған сот төрағасының міндетін атқарған болатын.