Жас балалары бар жесір әйел бұрынғы жұмыс орнына сот арқылы қайта орналасты
Қостанай қалалық сотының шешімімен азаматша Н.Әлімова А.Байтұрсынов атындағы Қостанай мемлекеттік университетіне әдіскер лауазымына қайта орналасты.
Оқу орнында білімді ұйымдастыруды оңтайландыруға орай штатты қысқарту мәселесі туындап, талапкер 2014 жылдың 4 қыркүйегіндегі бұйрықпен жұмыстан шығарылған. Алайда, ол – 14-жасқа толмаған екі бірдей жас баланның асыраушысы болып табылатын жесір әйел. ҚР Еңбек Кодексінің 185-бабының 1-б. сәйкес, мұндай топтағы адамдармен еңбек келісім-шартын бұзуға жол берілмейді.