Архив событий

Астана қалалық сотының кассациялық сот алқасының қаулысымен «Қазақстан Ғарыш Сапары» ҰК» АҚ-ның бұрыңғы басшысы Ғ.Мұрзақұловқа қатысты сот үкімі жаза мерзімін төмендету бөлігінде жетi жыл мерзiмге мемлекеттік қызметте белгiлi бiр лауазымдарды атқару құқығынан айырып, мүлкi тәркiленiп, 12 жылдан 10 жыл 6 ай мерзімге төмендетілді.

Жазаны төмендетуге Қазақстан Республикасының жаңа Қылмыстық Кодексінің  55-бабында көзделген ең жоғарғы жазаның жоғары шегін шектеу туралы талабы негіз болды.

2015 жылғы 14 наурызда Қазақ гуманитарлық заң университетінің Жоғарғы Құқық мектебі университеттің бітірушілері үшін Қазақстан Республикасының нормативтік құқықтық актілеріне жаңғыртулар мен толықтырулар енгізу мәселелеріне арналған тегін семинар өткізеді. Семинар жұмысына еліміздің жетекші ғалымдары қатысады.

Семинарда заңнамаға енгізілген өзгерістер мен толықтырулар, сондай-ақ орын алған практикалық проблемалар да қарастырылады.

Тараз қалалық сотында мұрагерлік құқықтық қатынастардан туындайтын дауларды қарау мәселелері талқыланды. Іс-шара Жамбыл облыстық соттары Оқу орталығының ұйымдастыруымен өтті.

«Дөңгелек үстел» жұмысына облыстық, қалалық соттың судьялары, сондай-ақ қалалық нотариалдық палата өкілдері қатысты.