Ср, 21/09/2016 - 11:50
Баспаға арналған нұсқасы
Хат жолдау
Ақтөбе қалалық сотында талапкер Г. Жаманқұлованың жауапкер «Ақтөбе қалалық Тұрғын үй коммуналдық-шаруашылық, жолаушылар көлігі және автомобиль жолдары бөлімі» ММ-ге үй алу кезегін қалпына келтіру туралы талап арызы бойынша азаматтық іс қаралды.
Іс материалдарына сәйкес, талапкер Г. Жаманқұлова жауапкер «Ақтөбе қалалық Тұрғын үй коммуналдық-шаруашылық, жолаушылар көлігі және автомобиль жолдары бөлімі» ММ-нің деректер базасында 2007 жылғы шілдеде «І және ІІ топтағы мүгедектер» санаты бойынша № 313 болып тіркелген. Алайда, 2015 жылғы сәуірде кезектен алынып тасталғандығы анықталды.
Талапкер Г.Жаманқұлова соттан жауапкер «Ақтөбе қалалық Тұрғын үй коммуналдық-шаруашылық, жолаушылар көлігі және автомобиль жолдары бөлімі» ММ-нің әрекетін заңсыз деп тануды және мемлекеттік тұрғын үй қорынан тұрғын үйге мұқтаждар тізіміндегі үй алу кезегін қалпына келтіруді сұраған.
Сот іс материалдарын жан-жақты, мұқият зерделеп, талапкердің талап арызын толық қанағаттандырды.
Жауапкердің әрекеті заңсыз деп танылып, талапкердің үй алу кезегі қалпына келтірілді.
Шешім заңды күшіне енген жоқ.
