Қымбатты оқырмандар!
Сіздерді 1 мамыр – Қазақстан халқының бірлігі мерекесімен құттықтаймын!
Сіздерді 1 мамыр – Қазақстан халқының бірлігі мерекесімен құттықтаймын!
Ағымдағы жылғы қаңтар айында сот төрелігін іске асыру мәселелеріне қатысты ұсыныстарды жинау мен талдау жөніндегі жұмыстар басталды. Осы мақсаттар үшін жеті жұмыс тобы құрылды. Судьялардың, адвокаттардың және топ мүшелерінің ұсыныстары негізінде сот қызметтерін жетілдіру жөніндегі ұсынымдар кешені әзірленді.
Топтар өз жұмысында жобалық менеджменттің базалық қағидаттарын пайдаланды. Осы саладағы тәуелсіз мамандар оларға сараптамалық қолдау көрсетті.
Астана қаласының соты мен «Атамекен» ұлттық палатасы «Бизнестің мүддесін сотта қорғау» жобасын іске асыру шеңберінде «Мемлекеттік билік, жергілікті өзін-өзі басқару органдарының, қоғамдық бірлестіктердің, ұйымдардың, лауазымды адамдар мен мемлекеттік қызметшілердің шешімдері мен әрекеттерін (немесе әрекетсіздігін) даулау жөніндегі сот практикасы» тақырыбында «дөңгелек үстел» өткізді.
«Павлодарэнергосбыт» ЖШС «Завод Format» ЖШС-не 22 810 840 теңге берешекті өндіріп алу туралы талап арызбен сотқа жүгінді.
Сот талқылауы барысында судья дауды татуластыру рәсімін қолдану арқылы шешу мүмкіндігін түсіндірді. Нәтижесінде, тараптар оның артықшылығын түсініп, сот медиациясы тәртібінде дауды реттеу туралы келісімге келу туралы өз пікірлерін білдірді.
Батыс Қазақстан облыстық сотының қылмыстық істер жөніндегі сот алқасы ұрлық және ұсақ жымқыру үшін Орал қалалық сотының үкімімен сотталған 20 жасар балаға қатысты қылмыстық істі медиация тәртібімен тоқтатты.
Іс материалдарына сүйенсек, сотталушы дүкендерге, дүңгіршектер мен дәріханаға заңсыз кіріп, сондағы кассалардан ақша және материалдық құндылықтарды ұрлап, жәбірленушілерге 300 000 теңге мөлшерінде материалдық залал келтірген.
Маңғыстау облысының судьялары мен кәсіподақ ұйымдары өкілдерінің қатысуымен Маңғыстау облыстық сотының төрағасы міндетін атқарушы Нұрсапа Примашев және өңірлік кәсіподақтар орталығының төрағасы Қайрат Жаңабеков өзара ынтымақтастық туралы меморандумға қол қойды.
Н.Примашев атап өткендей, меморандум қоғамда еңбек дауларын сотқа дейін, сотта бітімгерлік рәсім арқылы шешудің жолын қалыптастыру, азаматтарға кешенді қызмет көрсету үшін Маңғыстау облысында Татуластыру орталығын құру мақсатында жасақталды.
Астана қаласының соты татуластырушы судьялар үшін «Азаматтық істер бойынша медиацияны жүргізу техникасы» тақырыбында семинар өткізді.
Іс-шараға Жоғарғы Сот жанындағы Соттардың қызметін қамтамасыз ету департаменті басшысының орынбасары Әсия Қасенова, Жоғарғы Сот Кеңесінің мүшесі, медиация саласындағы ұлттық сарапшы Балгүл Райсова, «Медиацияны дамыту орталығы» ӨҚБ кәсіби медиаторы Жанна Іңкәрбекова, сондай-ақ Астана қаласының судьялары қатысты.