жм, 25/08/2017 - 12:11
Тараз қаласының мамандандырылған әкімшілік сотымен Қазақстан Республикасының әкімшілік құқық бұзушылық туралы Кодексінің (ары қарай ҚР ӘҚБтК) 282-бабының 8-бөлігі, яғни жыл сайынғы лицензиялық алымды "Салық және бюджетке төленетін басқа да міндетті төлемдер туралы" Қазақстан Республикасының Кодексінде (Салық кодексі) белгіленген мерзімдерде және мөлшерде төлемеу әкімшілік құқық бұзушылығы бойынша азаматша К-ға қатысты әкімшілік ісі қаралды.
Іс құжаттарына сәйкес, жеке кәсіпкер К. алкоголь өнімінің бөлшек саудасымен айналысуға лицензиясы бола тұра 2015-2016, 2016-2017 жылдардың жыл сайынғы төлемін жүзеге асырмай, "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 472-бабының 3-бөлігін бұзған.
Соттың қаулысымен құқық бұзушы К. ҚР ӘҚБтК-нің 282-бабының 8-бөлігінде көзделген құқық бұзушылық бойынша кінәлі деп танылып, оған әкімшілік жаза ретінде 300 (үш жүз) айлық есептік көрсеткіштің 70% мөлшері көлемінде, яғни 476 490(төрт жүз жетпіс алты мың төрт жүз тоқсан) теңге айыппұл салынды.
Қаулы заңды күшіне енген жоқ.