Атырауда соттардың қызметкерлері Қазақстанның «100 жаңа есімі» жобасының жеңімпазымен кездесті
Атырауда облыстық соттың қызметкерлері жүзу бойынша халықаралық дәрежедегі спорт шебері, Джакартада өткен Азия Параойындары-2018 чемпионатының екі мәрте чемпионы Ержан Сәлімгереевпен кездесті.
Е. Сәлімгереев пара олимпиадасы бойынша жүзушілер арасындағы озық спортшылардың қатарына кіреді. Ол әр жылдарда халықаралық жарыстарда қазақстанның қоржынына бірнеше медаль салған танымал спортшы. Ержан 2019 жылы Қазақстанның «100 жаңа есімі» жобасының жеңімпазы атанып, ел Президентінің алдында өнер көрсетті.