Бек Әметов доғарыстағы судья және Қазақстанның самбодан он дүркін чемпионымен кездесті
Батыс Қазақстан облыстық сотының төрағасы Бек Әметов доғарыстағы судья Қуаныш Әбуовпен кездесті. Ол самбо күресінен спорт шеберлері арасындағы Қазақстанның он дүркін чемпионы. 69 жастағы спортшы осы спорт түрінен екі мәрте әлем чемпионы болған.
Қуаныш Әбуов Қазақстан чемпионатында аталған спорт түрі бойынша тағы бір мәрте өзінің артықшылығын дәлелдеді. Ол құрметті бірінші орынды иеленіп, ағымдағы жылғы күзде Израильде өтетін әлем чемпионатына жолдама ұтып алды.