Бүгін Өскемен қаласының мамандандырылған әкімшілік сотында «Азаматтардың сайлау құқықтарына қол сұғатын әкімшілік құқық бұзушылықтар» тақырыбында семинар-кеңес өтті.
Іс-шараға ЕҚЫҰ-ның сайлауды бақылау жөніндегі миссиясының ұзақ мерзімді бақылаушысы А.Маркез және Шығыс Қазақстан облыстық сайлау комисиясының төрағасы Е. Нәбиев қатысты.
Астана қалалық мамандандырылған ауданаралық әкімшілік сотында қалалық сот судьялары мен аудандық және оған теңестірілген соттар судьяларының қатысуымен Әкімшілік процестік кодекс жобасын талқылауға арналған семинар өтті.
Мамандандырылған ауданаралық әкімшілік сотының төрағасы Қанат Дүйсембиев ӘПК жобасы бойынша өзінің ескертулері мен ұсыныстарын атап өтті.
Бүгін Мақтаарал ауданы соттарының бастамасымен Ұлы Отан соғысының ардагері, отставкадағы судья, «Үш би» төсбелгісінің иегері, Қазақстан Республикасының «Құрметті судьясы», Мақтаарал ауданының «Құрметті азаматы», жазушы Айтжан Тассейітұлы Бекназаровпен кездесу өтті. Бұл кездесу Ұлы Отан соғысындағы Жеңістің 70 жылдығына орай «Ардағым – ардагерім» іс-шарасының аясында өткізілді.
