Ішкі бақылау бөлімінің 2014 жылға арналған бақылау іс-шаралар жоспарына сәйкес облыстық және оған теңестірілген соттар кеңселерінің қаржы-шаруашылық қызметтеріне 4 кешенді және 2 тақырыптық тексеру жүргізілді.
Аталған бақылау іс-шаралар барысында бюджеттен бөлінген жалпы қаржының 19 млрд. 251 млн. 394 мың тенгесі, немесе 32,5 % бақылаумен қамтылған.
Бүгін Ақмола облыстық сотының төрағасы Әбдіқанов Нұрғазы Әбенұлы судьялардың пленарлық отырысында Елбасының Қазақстан халқына арнаған кезекті Жолдауын талқылады.
Бүгін Қазақстан Республикасы Жоғары Сот Кеңесінің жанындағы Біліктілік комиссиясының мүшесі, Қарағанды облыстық сотының судьясы Әбдіәшім Салин Маңғыстау облыстық сотында болып, судьялыққа және судьялық басшылық лауазымдарға үміткерлермен кездесті.
Қызылорда облысының соттары медиация институтын дамыту үшін мақсатты түрде жұмыс жүргізуде.
Арал аудандық сотында18 медиатор жұмыс істейді. Кәсіби емес медиаторлардың ресми тізбесі жасалып, аудандық әкімдік пен облыстық соттың ресми сайттарына орналастырылды.
Медиатордың көмегімен сот даулары бойынша шешімін тапқан істердің саны көбейіп, оң нәтижесін көрсетуде. Айталық, Арал аудандық сотында бір күннің ішінде 3 азаматтық іс, 1 қылмыстық іс медиация тәртібімен қысқартылды.
Бүгін Оңтүстік Қазақстан облысы Төле би ауданы әкімдігі ғимаратының мәжіліс залында Төле би аудандық сотының ұйымдастыруымен «Мемлекет мүддесіндегі сот актілерін орындау мәселелері» тақырыбында дөңгелек үстел өтті.
Дөңгелек үстелге Төле би ауданының әкімі, прокурор, аудандық ішкі істер бөлімінің басшысы мен оның орынбасары, ауыл округтерінің әкімдері, аудан әкімдігі бөлімдерінің басшылары, сот актілерін орындау жөніндегі аудандық бөлімінің басшысы, сондай-ақ БАҚ өкілдері қатысты.
Батыс Қазақстан облыстық сотының қылмыстық істер жөніндегі апелляциялық сот алқасының төрағасы М.Нағашыбаев жұмыс сапарымен Тасқала ауданында болып, аудандық сот қызметкерлерімен және мемлекеттік органдар өкілдерімен «Медиация туралы» Қазақстан Республикасы Заңының қолданылуы» тақырыбында кездесу өткізді.
