Мәдениет және спорт министрлігі «Қазақстан Республикасының Ұлттық мұражайы» республикалық мемлекеттік кәсіпорны директорының м.а. Жәкен Таймағамбетов пен Астана қаласы бойынша Соттар әкімшісінің басшысы Ренат Тауымбеков ынтымақтастық туралы меморандумға қол қойды.
Астана қаласы Есіл аудандық сотына сотқа дейінгі іс жүргізу органдары жәбірленуші деп таныған У.-дың әпкесі, жұмыс берушіден У.-дың өмірі мен денсаулығына келтірілген моральдық зиянды өтеу туралы талап арызбен жүгінді.
2014 жылғы 17 шілдеде У. тұрғын үй кешенінде бағандарға қалыптарды орнату кезінде 8-ші қабаттан құлап, ауыр жарақат салдарынан сол жерде көз жұмды.
Астана қаласы Кәмелеттік жасқа толмағандар істері жөніндегі мамандандырылған ауданаралық сотының төрағасы Нәзиля Раззақ елордада өткен «Қазақстан – балаға достық мейіріммен» атты конференцияда сөз сөйледі.
Н.Раззақ «Балаларға қатысты қылмыстық сот ісін жүргізу» тақырыбында сөз сөйлеп, онда кәмелеттік жасқа толмағандарға қатысты қазақстандық сот төрелігін жетілдіру бойынша жұмыстардың жалғасып жатқандығын айтып өтті.
Сарыарқа аудандық сотында судьялыққа үміткер-тағылымдамашылар мен Сот төрелігі академиясының магистранттары қойылымдық сот отырысын өткізді. Іс-шараға аталған соттың төрағасы А.Жүкенов пен сот судьялары қатысты.
Академия магистранттары қойылымдық сот отырысын күрделі санаттағы істерге жататын мемлекеттік органның іс-әрекетін даулау туралы азаматтық іс бойынша өткізді.
Астана қаласы Сарыарқа аудандық сотында сот жүйесінде ақпараттық технологияларды одан әрі дамытуды талқылау бойынша «дөңгелек үстел» өтті.
Жоғарғы Соттың ақпараттық технологиялар бөлімінің меңгерушісі Серғазы Омаш, сот төрағасы Арман Жүкенов, прокуратура өкілдері, адвокаттар және IT-мамандары «дөңгелек үстел» жұмысына сот базасын басқа мемлекеттік органдардың жүйесімен интеграциялау арқылы ақпараттық технологияларды жетілдіру бойынша ұсынымдар енгізу мақсатында қатысты.
Астана қалалық сотының төрағасы Тілектес Бәрпібаев судьялардың қатысуымен «Қазақстан Республикасының Конституциясына өзгерістер мен толықтырулар енгізу туралы» жаңа Заңның жаңашылдықтарын талқылады.
Сот төрағасы Конституцияның мемлекеттік құрылым және басқару нысанын, қоғамдық-экономикалық ахуалдың нығаюын, мемлекеттің барлық құқықтық жүйесінің негізін қалаушы құжат болып табылатынын тілге тиек етті.
Астана қаласының Кәмелет жасына толмағандар істері жөніндегі мамандандырылған ауданаралық сотында «Отбасы – Ұлы құндылық» мүсіндік композициясының салтанатты ашылу рәсімі өтті.
Монументтің салтанатты ашылуына Жоғарғы Соттың судьялары Ғалия Ақ-қуова, Зәуре Кейкібасова, Ұлбосын Сүлейменова, Астана қалалық сотының төрағасы Тілектес Бәрпібаев, ювеналдық соттың төрағасы Нәзиля Раззақ, судьялар, ювеналдық полицияның, ҮЕҰ және халықаралық ұйымдар (ЮНИСЕФ, PRI, Еуропалық одақтың Қазақстандағы өкілдігі) өкілдері қатысты.
Ағымдағы жылғы 1 ақпаннан бастап Астана қаласы Сарыарқа аудандық сотында бұйрық арқылы іс жүргізу істерін электронды түрде қарау бойынша пилоттық жоба тәжірибеге енгізілді.
Осыған сәйкес, аталған санаттағы істер жоба аясында қағаз нұсқасындағы құжаттарсыз, электронды түрде қарастырылатын болады.
Жоба Қазақстан Республикасы Жоғарғы Сотының Төрағасы Қ.Мәмидің өкіміне сәйкес сот ісін оңтайландыру мақсатында жүзеге асырылуда.
Астана қаласы Есіл ауданының №2 аудандық сотында қалалық Әділет департаменті, Жеке сот орындаушылар палатасының сот орындаушылары, ІІД Көші-қон полициясы қызметі, Мемлекеттік кіріс департаменті өкілдерінің қатысуымен сот актілерінің орындалу мәселелері бойынша «дөңгелек үстел» өтті.
Халықаралық 8 наурыз мерекесіне орай Ақордада Мемлекет басшысы «Көктем шуағы» атты еліміздің әйелдер қауымының өкілдерімен кездесуіне Астана қаласының кәмелетке толмағандар істері жөніндегі мамандандырылған ауданаралық сотының төрағасы Нәзиля Раззақ қатысты.
