Сс, 04/07/2017 - 15:15
Астана қаласы Есіл аудандық сотына сотқа дейінгі іс жүргізу органдары жәбірленуші деп таныған У.-дың әпкесі, жұмыс берушіден У.-дың өмірі мен денсаулығына келтірілген моральдық зиянды өтеу туралы талап арызбен жүгінді.
2014 жылғы 17 шілдеде У. тұрғын үй кешенінде бағандарға қалыптарды орнату кезінде 8-ші қабаттан құлап, ауыр жарақат салдарынан сол жерде көз жұмды.
Марқұм ЖШС-мен еңбек қатынасында тұрған және қауіпсіз жұмыс ортасын қамтамасыз етпегенінен жұмыс берушінің 100 % -ға кінәлі екені жазатайым оқиғаның актісінде анықталған.
Сотта жұмыс берушінің жұмыстың периметрі бойынша биіктікте уақытша қорғаныс қоршауын орнатпағаны, сондай-ақ, биіктіктегі өндірістің қауіпсіздік әдістерін меңгермеген жұмысшыны монтаждау жұмыстарын орындауға жол бергені анықталды.
Сот ЖШС-дан талапкердің пайдасына 500 000 теңге көлеміндегі моральдық зиян сомасын өндірді.
Шешім заңды күшіне енген жоқ.