Сот кәмелетке толмаған екі жасөспірімді ұрлық жасағандары үшін кінәлә деп таныды

Қызылорда облысының кәмелетке толмағандардың істері жөніндегі мамандандырылған ауданаралық соты  азамат Т. мен Қ.-ға қатысты қылмыстық істі қарады.

Сотталушылар Т. мен Қ. өзінің көршісінің үйіне заңсыз кіру арқылы мүлкін ұрлап, жәбірленушіге 5 579 971 теңге көлемінде материалдық шығын келтірген.

Сот үкімімен сотталушылар бөтеннің мүлкін аса ірі мөлшерде жымқыру мақсатымен алдын-ала сөз байласып, үй-жайға заңсыз кіру арқылы ұрлық жасағаны үшін ҚК ҚК-нің 188-бабының 4-бөлігінің 3-тармағымен,  ҚР ҚК-нің 384-бабының 3-бөлігімен кінәлі деп танылып, 5 жылға бас бостандығынан айырылды. Сотталушыларға ҚР ҚК-нің 63-бабы қолданылып, тағайындалған жаза шартты деп есептеліп, 1 жыл сынақ мерзімі белгіленді.

Жәбірленушінің азаматтық талабы ішінара қанағаттандырылып, кәмелеттік жасқа толмағандардың заңды өкілдерінен ортақ жауапкершілікте 5 579 971 теңге материалдық шығын және 55 800 теңге сот шығындары өндірілетін болды. 

Сот үкімі заңды күшіне енген жоқ.