Дс, 03/10/2016 - 18:05
Қарағанды облыстық сотының төрағасы Мұсабек Әлімбеков және «Медиацияны жетілдіру орталығы» РҚБ-нің директоры Ермек Әбілдин медиацияны жетілдіру саласында ынтымақтастық туралы Меморандумға қол қойды.
Іс-шара барысында облыстық сотының төрағасы ынтымақтастық туралы Меморандумға қол қою, бірінші кезекте қоғамдағы келісім мен тұрақтылықты қамтамасыз етуін көздейтінін атап өтті.
«Дауларды соттан тыс шешу амалының бірі – медиация. Біздің халық үшін медиация институты оның тарихи тамырына жақын, барлық даулы жағдайларды билер мен ақсақалдар шешкен. Өкінішке орай, біздің азаматтар өзара бітімге келуді ойламастан бірден сотқа жүгінеді немесе әкімге шағымданады», - деді Мұсабек Әлімбеков.
Бекітілген келісім негізінде облыстық сот және қоғамдық бірлестік халық арасында түсіндіру жұмыстарын жүргізу, медиацияны қолдану арқылы дауларды шешу кезінде өзара әрекеттесу бойынша бірлескен жүйелі жұмысты бастайды.