жм, 15/01/2016 - 19:12
Алматы облысының Қапшағай қалалық соты Алматы облыстық орман шаруашылығы және жануарлар дүниесі аумақтық инспекциясының бас маманы – мемлекеттік инспектор А.Шабанбаевты алаяқтық жасағаны үшін соттады.
Сотта анықталғандай, А.Шабанбаев ресімдеу қызметтері тегін жүзеге асырылатына қарамастан, шағын көлемді кеменi жыл сайынғы техникалық тексеруден кедергісіз өткізіп беруді сылтауратып, азаматша М-нен 75 000 теңге көлемінде ақша алған, сондай-ақ құжаты жоқ қайықты ресімдеуге жәрдем көрсету үшін азаматша О-дан 40 000 теңге ақша қаражатын алған.
Сот үкімімен А.Шабанбаев Қылмыстық кодекстің 190-бабы 3-бөлігі 2, 3-тармақтарына сәйкес (екі тұлғаға қатысты жасалған алаяқтық) кінәлі деп танылды. Оның мүлкі тәркіленіп, орман шаруашылығы және жануарлар дүниесін қорғау қызметімен айналысу құқығынан өмір бойына айырылып, 3 жыл 6 ай мерзімге бас бостандығынан айыру жазасы тағайындалды. Ол жазасын жалпы режимдегі түзеу колониясында өтейтін болды.
Сот үкімі заңды күшіне енген жоқ.
Ұқсас мәліметтер
- Пәтер алаяқтығымен байланысты қылмыстық іс сотпен қаралды
- Сот төрелігі академиясының өкілдері Жоғарғы Сотта өткен алаяқтыққа қатысты қылмыстық істер бойынша мәселелерді қарау туралы конференцияға қатысты
- Сот есірткі заттарды өткізгені, өткізу мақсатында заңсыз сақтағаны және денсаулыққа қасақана ауыр зиян келтіргені үшін 11 жыл мерзімге бас бостандығынан айыру жазасын тағайындады