Бүгін Жоғарғы Сот Төрағасы Қайрат Мәми Қазақстандағы Сингапур Республикасының Елшісі Зулкифли бин Бахаруддинмен кездесті.
Әңгімелесу барысында Қазақстан мен Сингапур арасындағы қарым-қатынастардың өзара түсіністік пен сенім ахуалында дамып келе жатқаны атап өтілді. Сингапур Қазақстанның Оңтүстік-Шығыс Азиядағы негізгі серіктестерінің бірі болып саналады.
Ақмола облыстық сотының төрағасы Н.Әбдіқанов қылмыстық істер жөніндегі апелляциялық сот алқасының төрайымы Жанна Қайратқызы Бердығұловаға Қазақстан Ассамблеясының Төрағасы Н.Назарбаевтың Құрмет Грамотасын тапсырды.
Қазақстан халқының бірлігін, қоғамдық келісім мен қазақстандық патриотизмді нығайтуға қосқан үлесі үшін Ақмола облыстық соты апелляциялық сот алқасының төрайымы Жанна Қайратқызы Бердығұлова Қазақстан халқы Ассамблеясының Құрмет Грамотасымен марапатталды.
Бүгін Шығыс Қазақстан облыстық сотының төрағасы Д.С.Әміров облыстық соттың жаңа судьяларын таныстырды.
Қазақстан Республикасы Президентінің 2015 жылғы 25 мамырдағы № 25 Жарлығына сәйкес Г.Қ.Әбдірахманова Өскемен қаласының №2 сотының судьясы қызметінен, М.Т.Қадырова мамандандырылған ауданаралық экономикалық сотының судьясы қызметінен, Қ.Қ.Қалымова Семей қаласының №2 сотының судьясы қызметінен, Н.М.Рахметуллина Өскемен қаласының №2 сотының судьясы қызметінен босатыла отырып Шығыс Қазақстан облыстық сотына судья қызметіне тағайындалды.
1 маусым күні Қазақстан Республикасы Жоғарғы Сотының Төрағасы Қайрат Мәми азаматтарға жеке қабылдау өткізді.
Жоғарғы Сот Төрағасының қабылдауында республика бойынша 5 азамат болды.
2015 жылы 30 мамыр күні Көкшетау қаласы орталық көшелерінің біріне Ақмола және Көкшетау облыстық соттарының алғашқы төрағасының есімін беруге арналған салтанатты шара өтті. Салтанатты шараға облыс әкімдігі мен мәслихат өкілдері, судьялар, сот жүйесінің ардагерлері және көше тұрғындары қатысты.
Облыстық мәслихатының шешімімен Красная көшесі бұдан былай Әлімжан Баймұқановтың есімімен аталатын болды.
