Бүгін Мемлекет басшысы Нұрсұлтан Назарбаев Қазақстан Республикасы Жоғарғы Сот Төрағасы Қайрат Мәмиді қабылдады
Кездесуде республика соттарының 2014 жылғы бірінші жартыжылдықта атқарған жұмыстарының қорытындысы, Жоғарғы Соттың ағымдағы қызметі, сондай-ақ алдағы кезеңнің міндеттері талқыланды.
Кездесу барысында Н.Ә. Назарбаев сот жүйесі мемлекеттік басқаруды жетілдіруде, еліміздің алдында тұрған әлеуметтік-экономикалық міндеттерді шешуде, шағын және орта бизнес субъектілері мен инвесторлардың құқықтарын қорғауда, олардың қызметі үшін оңтайлы жағдайлар жасауда айрықша орын алатындығын атап өтті.