Архив событий

08/08/2014

Сот органдары заманауи электрондық жүйелерді белсенді қолдануда

08/08/2014

Бүгін Ақмола облыстық сотының кеңсесі облыс соттарының кеңсе қызметкерлеріне арнап сот органдарында заманауи электрондық жүйелерді қолдану тақырыбына семинар өткізді.  

Бұл маңызды шара Ақмола облыстық соты төрағасының м.а. С.М.Өскембековтің, облыстық сот судьяларының, Қазақстан Республикасы Жоғарғы Сотының жанындағы Соттардың қызметін қамтамасыз ету департаментінің жалпы бөлімінің сектор меңгерушісі Қ.Б.Жоламанованың, Ақмола облысының адвокаттар алқасы, «Қазпочта» АҚ өкілдерінің, облыс соттары кеңсе меңгерушілерінің қатысуымен өтті.

Батыс Қазақстан облыстық сотының төрағасы бірқатар аудан активімен кездесті

08/08/2014

Батыс Қазақстан облыстық сотының төрағасы Бек Әметов  жұмыс сапарымен Қазталов, Жаңақала, Бөкейордасы, Жәнібек аудандарына барды.

Сапар барысында Б.Әметов азаматтарды қабылдап, әкімдердің қатысуымен аудандар активімен кездесті. Облыстық сот төрағасы сот жүйесінде жүргізіліп жатқан реформаның барысы, облыс соттарының 2014 жылдың бірінші жартыжылдығында атқарған жұмыстары туралы, сондай-ақ Қазақстан Республикасының «Медиация туралы» Заңының негізгі нормалары туралы баяндады. 

Сот органдарының байланыс орталығы online режимде қызмет көрсетуде

08/08/2014

Сот органдарының тұрғындармен өзара байланысының тиімділігін арттыру мақсатында 2014 жылғы 29 сәуірде Жоғарғы Сот жанындағы Соттардың қызметін қамтамасыз ету департаменті басшысы 1401 бірыңғай байланыс орталығының жұмыс регламентін бекітті.

Байланыс орталығы сот ісін жүргізу мәселелері бойынша тұрғындарды жедел ақпараттандыру мақсатында құрылды. Кез келген азамат 1401 республика бойынша бірыңғай телефон нөміріне хабарласып, өз сұрағын қоя алады. Орталық жұмыс уақытында қолжетімді болып табылады.