Жоғарғы Соттың қызметкерлері «АЛЖИР» саяси қуғын-сүргін және тоталитаризм құрбандарының музей-мемориалдық кешенінде болды
Жоғарғы Соттың 70-ке жуық қызметкері Ақмол кентіндегі «АЛЖИР» саяси қуғын-сүргін және тоталитаризм құрбандарының музей-мемориалдық кешенінде болды.
Ызғарлы ауа райы лагерьлер үй-жайының адамның тұла бойын түршіктіріп, еңсесін басатын ахуалы мен бұрынғы тұтқындардың бүкіл қайғы-қасіретін одан сайын қоюлата түскендей.
Экскурсияға қатысушылар Елбасының бастамасымен құрылған кешеннің сәулет-дизайнымен танысты. Қасірет мемориалы арка түрінде бейнеленген, ал музейдің өзі толық бітпеген конус түрінде салынған.