Архив событий

Көкпекті ауданының №2 сотында ҚК-нің 339-бабымен (Өсiмдiктердің немесе жануарлардың сирек кездесетiн және құрып кету қаупi төнген,  сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) қаралған қылмыстық іс бойынша табиғатты қорғау полициясының тобына жеке қаулы шығарды. Сот жеке қаулысымен оларды аудандық «Жұлдыз» және  «Новая жизнь» газеттерінде Алтай рауағашын теруге тыйым салынатындығы туралы мақалалар жариялауға міндеттеді.

БҚО Сырым аудандық соты адам өліміне әкеп соқтырған жол көлік апатын жасаған автобус жүргізушісіне қатысты Қазақстан Республикасының ҚК-нің 345-бабының 4-бөлігі (жол көлік оқиға  салдарынан абайсызда екi немесе одан да көп адамның өлiмiне әкеп соғу) бойынша қылмыстық іс қарады.

Іс материалдарына сәйкес, сотталушы мас күйінде «Самара-Шымкент» бағыты бойынша автобусты басқара отырып, ҚР жол жүру ережесінің 10.1-тармағының талаптарын бұзып, рөлге ие бола алмай, автобус жолдың жырасына түсіп кеткен.