Жоғарғы Сот өткен кезеңде азаматтық істер бойынша сот төрелігін жүзеге асырудың сапасы туралы мәселені талқылады
Жоғарғы Соттың азаматтық істер жөніндегі сот алқасының төрағасы Мейрамбек Таймерденов жергілікті соттармен 2019 жылдың 9 айындағы жұмыстың қорытындылары бойынша сот төрелігін жүзеге асыру сапасын талқылау жөнінде жұмыс кеңесін өткізді.
Кеңестің жұмысына Жоғарғы Соттың азаматтық істер жөніндегі сот алқасының судьялары, жергілікті соттардың азаматтық істер жөніндегі сот алқаларының төрағалары, бейнеконференцбайланыс арқылы облыстық және оған теңестірілген соттардың төрағалары мен азаматтық істерді қарайтын судьялары қатысты.