Мемлекет басшысы

Кездесуде Мемлекет басшысына «100 нақты қадам» Ұлт жоспары аясында сот реформасын іске асыру және сот төрелігін жүзеге асыру жұмыстары жөнінде есеп берілді.

Елбасы сот жүйесінің және бүкіл құқық қорғау саласының алдында тұрған жұмыстардың ауқымды екенін атап өтті.

– Азаматтар сотқа сенім артып, көмек алу үшін жүгінгенде, шешім әділ болып, олардың құқықтары нақты қорғалғанда ғана заңның толық үстемдігі қамтамасыз етіледі. Қазір олай деуге әлі ерте, – деді Қазақстан Президенті.

Жоғарғы Сот Мемлекет басшысы жариялаған «100 нақты қадам – баршаға арналған қазіргі заманғы мемлекет» Ұлт Жоспарын іске асыру бойынша жүйелі жұмыс жүргізуде.

Осы Жоспарға сәйкес, ағымдағы жылғы 4 желтоқсанда Президент Н.Ә. Назарбаев «Қазақстан Республикасының Жоғарғы Сот Кеңесі туралы» Заңға (бұдан әрі – Заң) және «Жоғары Сот Кеңесі, сот жүйесі және судьялардың мәртебесі мәселелері бойынша кейбір конституциялық заңдарға өзгерістер мен толықтырулар енгізу туралы» Конституциялық Заңға  қол қойды.

Бүгін Жоғарғы Сот Төрағасы Қайрат Мәми Қазақстанның Ұлттық кәсіпкерлер палатасы басқармасының төрағасы Абылай Мырзахметовтің, Жоғарғы Соттың азаматтық және әкімшілік істер жөніндегі қадағалаушы сот алқасының төрағасы Еліс Әбдіқадыровтің және Жоғарғы Сот судьяларының қатысуымен селекторлық кеңес өткізді.

Кеңес жұмысына бейнебайланыс арқылы жергілікті соттар судьялары мен Ұлттық кәсіпкерлер палатасының өңірлік филиалдарының басшылары қатысты.