Бс, 30/07/2015 - 19:49
Алматы облысы Іле аудандық сотында Междуреченск ауылдық округінің бұрынғы әкімі Қ.Базарбаевқа қатысты қылмыстық іс қаралды.
Іс материалдары сәйкес, Қ.Базарбаев жеке тұрғын-үй құрылысын салу үшін бір жер телімін екі азаматқа заңсыз беруі туралы материалдарын тәртіптік комисиясына жолдамауы үшін сыбайлас жемқорлыққа қарсы іс-қимыл агенттігі департаментінің офицеріне пара берген.
2015 жылғы 29 шiлдедегі сот үкімімен Қ.Базарбаев ҚР ҚК 367-бабының 2-бөлігімен кінәлі деп танылды (пара беру). Оған 44 611 200 теңге мөлшерінде айыппұл салынып, мемлекеттік қызметте және жергілікті өзін-өзі басқару органдарында лауазым атқару құқығынан өмір бойы айырумен қатар, жеке мүлкін тәркілеу жазасы тағайындалды.
Сот үкімі заңды күшіне енген жоқ.