«дөңгелек үстел»

Алматы облыстық сотының төрағасы Мейрамбек Таймерденов «дөңгелек үстел» өткізді. Оның барысында қатысушылар соттар мен «Атамекен» кәсіпкерлер аймақтық палатасының өзара әрекеттесу мәселелерін талқылады.

Кездесуге судьялар, облыс әкімінің орынбасары Жеңіс Тұяқов, Мемлекеттік кірістер департаментінің басшысы Ермек Нұрланбаев, «Нұр Отан» партиясы облыстық филиалы төрағасының бірінші орынбасары Ғалиасқар Сарыбаев және бизнес-қоғамдастық өкілдері қатысты.

Астана қаласының соты мен «Атамекен» ұлттық палатасы «Бизнестің мүддесін сотта қорғау» жобасын іске асыру шеңберінде «Мемлекеттік билік, жергілікті өзін-өзі басқару органдарының, қоғамдық бірлестіктердің, ұйымдардың, лауазымды адамдар мен мемлекеттік қызметшілердің шешімдері мен әрекеттерін (немесе әрекетсіздігін) даулау жөніндегі сот практикасы» тақырыбында «дөңгелек үстел» өткізді.

Шығыс Қазақстан облыстық соты төрағасының м.а. Қайрат Шақпантаев «Мерзімінен бұрын шартты түрде босату, жазаны неғұрлым жеңіл түріне ауыстыру туралы материалдарды қарау барысында медиацияны қолдану мәселелері» тақырыбында «дөңгелек үстел» өткізді.

Талқылау медиация институтын қолдану аясын кеңейту, осы мәселені құқықтық реттеу үшін заңнамалық актілерге өзгерістер енгізу туралы ұсыныстар әзірлеу мақсатында ұйымдастырылды.

Қызылорда облыстық сотында қатысушылары банктік қарыз шарттарынан туындайтын азаматтық істер бойынша бітімгершілік рәсімдерін қолдану мәселелерін, сондай-ақ қылмыстық процестегі медиацияның ерекшеліктерін талқылаған «дөңгелек үстелдер» өтті.

Ақмола облыстық сотында мемлекеттік тілдің рөлі мен маңыздылығын, сонымен қатар, сот төрелігін іске асыру саласында мемлекеттік тілді қолдану мәселелерін  талқылау мақсатында «дөңгелек үстел» өтті.