«Алтынкөл» кедендік бақылау пунктінің бас маманы сотталды

Алматы облысы Панфилов аудандық соты Алматы облысы бойынша Мемлекеттік кірістер департаменті «Алтынкөл» кедендік бақылау пунктінің бас маманы Н. Есмағанбетовке қатысты қылмыстық істі қарады.   

Сот анықтағандай, Н.Есмағанбетов мемлекеттік функцияларды орындауға уәкілетті адам бола тұра, жүк автокөлігінің қосалқы бөлшектерін кедендік декларациялауды жеделдетіп ресімдеу үшін декларанттан 5000 теңге көлемінде пара алған.

Сот үкімімен Н.Есмағанбетов  ҚР ҚК-нің 366-бабының 1-бөлігіне (пара алу)  көзделген қылмысты жасағаны үшін кінәлі деп танылды. Оған  параның елу еселенген сомасы 250 000 теңге мөлшерінде айыппұл салынумен бірге мемлекет кірісіне мүлкі тәркіленіп, мемлекеттік кедендік органдарда, жергілікті басқару органдарында лауазым атқару құқығынан өмір бойына айырылды.

Үкім заңды күшіне енген жоқ.