Ср, 20/07/2022 - 09:43
Баспаға арналған нұсқасы
Хат жолдау
Талапкер ар-намысын, қадір-қасиетін және іскерлік беделін қорғау, келтірілген залалды 1 млн.теңгеге бағалап, моральдық зиянның өтемақысын өндіру туралы жауапкерге қойған талап арызымен сотқа жүгінді. Талапкердің пікірінше, жауапкер Мәжіліс депутатының атына жолдаған хатында шындыққа сай келмейтін мәліметтерді таратқан (6001-22-3гп-162).
Жергілікті соттар істі қарап, сот актілерінде азаматтар өз құқықтары мен заңды мүдделерін қорғау мақсатында мемлекеттік органдарға, жергілікті өзін-өзі басқару органдарына және лауазымды адамдарға еркін әрі ерікті түрде жүгіну құқығын пайдалана отырып, өз өтініштерінде өздеріне белгілі фактілер мен оқиғаларға сілтеме жасауы тиіс екенін атап өтті. Соттар жауапкердің мәлімдемелері СІМ-нің Инвестициялар комитетімен жасалған Инвестициялық келісімшарттың қатысушысы болып табылатын талапкердің іскерлік серіктестерінің алдында адам және бизнесмен ретіндегі беделіне нұқсан келтіреді деген қорытындыға келді.
Осыны ескере отырып, соттар талапты ішінара қанағаттандырған.
Жоғарғы Соттың азаматтық істер жөніндегі алқасы істі қарап, іс жүзінде талапкерге қатысты мәлімет таратылмағанын және бұл мәлімет шындыққа сәйкес келмейтінін анықтады. Талапкер 2016 жылдан бері қарызын қайтармаған, оны өндіріп алу туралы сот шешімдерін жауапкер депутатқа жүгінгеннен кейін ғана мәжбүрлеп орындаған.
Сондықтан жауапкердің өтініші талапкердің іскерлік беделіне нұқсан келтіретін мәліметтерді тарату ретінде таныла алмайды.
Жоғарғы Соттың алқасы жауапкердің өтініші талапкерге зиян келтіру ниетімен емес, өзінің құқықтары мен заңмен қорғалатын мүдделерін қорғау ниетімен байланысты деп санайды. Сондықтан жауапкердің іс-әрекеттерінде құқықты теріс пайдалану болған жоқ.
Дауды шешу кезінде жергілікті соттар азаматтық заңнама нормаларын дұрыс қолданғаны көрсетілді. Жауапкердің депутатқа жүгіну фактісінің өзі оны АК-нің 143-бабы бойынша азаматтық-құқықтық жауаптылыққа тарту үшін негіз бола алмайды.
Жоғарғы Сот осы нақты жағдайда мәліметті тарату фактісі орын алмағанын таныды.
Іс бойынша шығарылған сот актілерінің күші жойылды.
Жаңа шешім шығарылып, талапты қанағаттандырудан бас тартылды.
Вынесено новое решение: в удовлетворении иска отказано.
