Сот актілерін дұрыс түсіндіру мақсатында республика соттарына судьяларды оқытуды ұйымдастыру тапсырылды
Ағымдағы жылғы 16 наурызда жоғары сот органының жалпы отырысында Жоғарғы Соттың 2003 жылғы 11 шілдедегі «Сот шешімі туралы» № 5 нормативтік қаулысына өзгерістер мен толықтырулар енгізілген болатын.
Аталған нормативтік қаулы екі негізгі бағытты қамтиды: жарияланған сот шешімін түсіндіру және нормативтік қаулыда көрсетілген құрылымдық, пішіндік және мазмұндық талаптарға сай келетін сот актілерін шығару. Осылайша, судьялар неғұрлым түсінікті сот актілерін шығарады деп күтілуде.