Қарағанды облыстық сотының төрағасы «Заманауи соттар – ел игілігіне қызмет» тақырыбында виртуалды сұхбат берді
21/08/2020
Бүгін Жоғарғы Соттың виртуалды қонақжай алаңында Қарағанды облыстық сотының төрағасы Нұрсерік Шәріпов болды. Спикер тұрғындармен кері байланысты ұйымдастыру, азаматтардың құқықтық сауатын арттыру, өңірдегі сот органдарының инфрақұрылымдық даму мәселелері бойынша түсіндірме берді.
Н.Шәріпов сотқа келушілерге жасалған жағдай туралы айта келе, Қарағанды соттарында 15 фронт-кеңсе ашылғанын хабарлады. Мұнда ақпараттық орталық, өзіне-өзі қызмет көрсету алаңы, заманауи күту залдары, адвокаттарға, медиаторларға, Билер кеңесіне арналған бөлмелер қарастырылған.
