Бүгін Астанада ел Президенті Нұрсұлтан Әбішұлы Назарбаевтың қатысуымен республика судьяларының VII съезі өтті.
Съезд жұмысына судьялар корпусы, Парламент депутаттары, орталық мемлекеттік органдардың басшылары, сондай-ақ заңгерлер қауымдастығының, халықаралық ұйымдардың, БАҚ пен ҮЕҰ өкілдері қатысты. Барлығы 600-ден астам делегат пен форум қонақтары.
Әңгімелесу барысында «100 нақты қадам» ұлт жоспарының іске асырылу мәселелері, сондай-ақ биылғы 8 айдағы сот төрелігін жүзеге асыру қорытындылары мен Қазақстан Республикасы судьяларының алдағы VII съезіне дайындық барысы талқыланды.
Кездесуде республика соттарының 2014 жылғы бірінші жартыжылдықта атқарған жұмыстарының қорытындысы, Жоғарғы Соттың ағымдағы қызметі, сондай-ақ алдағы кезеңнің міндеттері талқыланды.
Кездесу барысында Н.Ә. Назарбаев сот жүйесі мемлекеттік басқаруды жетілдіруде, еліміздің алдында тұрған әлеуметтік-экономикалық міндеттерді шешуде, шағын және орта бизнес субъектілері мен инвесторлардың құқықтарын қорғауда, олардың қызметі үшін оңтайлы жағдайлар жасауда айрықша орын алатындығын атап өтті.
Бүгін Қазақстан Республикасы Парламенті Сенатының пленарлық отырысы барысында Президент Н.Назарбаевтың ұсынуымен отставкаға шығуларына байланысты Николай Мамонтов пен Нұрия Сынғалиеваны ҚР Жоғарғы Сотының судья лауазымынан босату жөнінде шешім қабылданды.
Отырыс барысында Жоғарғы Сот Кеңесінің Төрғасы Б.Бекназаров «Н.Мамонтов пен Н.Сынғалиева қызметтері барысында өздерін беделді және тәжірибелі маман ретінде көрсете білді. Өз міндеттерін жоғары деңгейде орындады», - деп атап өтті.
