Шығыс Қазақстан облыстық сотының төрағасы онлайн режимде азаматтарды қабылдады
Шығыс Қазақстан облыстық сотының төрағасы Нұрлан Қайырбеков бүгін онлайн режимде шалғай ауылды аймақтардан азаматтарды қабылдады.
Зайсан, Көкпекті, Күршім, Шемонаиха, Аягөз, Алтай аудандарының, Семей және Курчатов қалаларының тұрғындары мемлекеттік сатып алу саласындағы дауларға, заңды фактіні анықтауға, алимент өндіріп алуға, үйге меншік құқығын тануға, төленген жәрдемақыны қайтаруға, адамдарды әкімшілік жауапкершілікке тартуға, қылмыстық қудалау органдарының әрекеттеріне шағымдануға қатысты сұрақтар қойды.