Моряк ШЕГЕНОВ, Жоғарғы Сот судьясы «Құқықтық мемлекеттің негізі» // «Егемен Қазақстан» 19.08.2014ж.
Өркениеті дамыған әлемде бағыт-бағдарын айқындаған, өзіндік келбеті, ерекшелігі бар мемлекеттер ғана басымдыққа ие бола алады. Бүгінгідей нарықтық заманда әр қадамын есеппен жасап, әр ісін жеті рет өлшеп, бір рет кескеннен кейін ғана бекітпесе дамыған мемлекеттердің қатарынан көріну әсте қиын. Мұндайда бүкіл саланың өркендеуіне, дамуына кепілдік беретін құқықтық құжаттардың, құқықтық қауіпсіздіктің орны ерекше. Тәуелсіз елдің тұғырын көтеріп, өзге елдермен тең дәрежеде тілдесуін қамтамасыз ететін Конституция екені даусыз.