Жоғарғы Сот Қаржы министрлігінен талап қоюшының пайдасына моральдық зиян мен сот шығындарының өтемі ретінде 160 мың теңгеден астам қаражатты өндірді
Игорь Мединский заңсыз сотталу салдарынан тартқан моральдық зиян мен сот шығындарының өтемақысы ретінде Қаржы министрлігінен 500 000 теңге өндіріп алу туралы талап арызбен сот жүгінген.
Астана қаласының Сарыарқа аудандық соты оның талап арызын қанағаттандырудан бас тартқан. Мұндай шешіммен апелляциялық саты да келіскен.
Жоғарғы Соттың азаматтық істер жөніндегі сот алқасы істі қарай келе, дау тудырған сот актілерінің күшін жойып, И.Мединскийдің өтінішхатын ішінара қанағаттандырды.