Ашылу салтанатына Ақмола облыстық сотының төрағасы Досжан Әміров, Бурабай ауданы әкімінің орынбасары Уалихан Ғабдуллин, Соттар әкімшісінің басшысы Данияр Сапарбек, Бурабай аудандық сотының төрағасы Абзал Балабеков, судьялар, медиаторлар, адвокаттар, құқық қорғау органдары мен мемлекеттік органдардың өкілдері, үкіметтік емес ұйымдар және қала тұрғындары қатысты.
Көкшетауда «Әділет» жаңа стадионында Нұр-Сұлтан, Ақтау, Теміртау, Петропавл, Көкшетау қалалары және Бурабай кентінің командалары арасында мини-футболдан қала аралық турнир өтті. Жарысқа сот жүйесінің ардагерлері, металлургтер, спортшылар, интернационалист-жауынгерлер, футбол мен спортты сүйгіш қауым қатысты.
Футбол және волейбол алаңы бар спорт кешені өңір судьяларының өз қаражатына салынған.
Ақмола облысы Көкшетау қаласының тұрғыны Татьяна Варкентина облыстық сотқа жазған хатында «Түнгі сот» пилоттық жобасы туралы оң пікірін білдіре келіп, оны заң жүзінде бекітуді ұсынды.
Ақмола облысының Ақкөл аудандық сотының ғимаратында Жеңіс Күні мерекесі қарсаңында екінші дүниежүзілік соғыстың және сот жүйесінің ардагері Дулат Төлеутаевқа арналған мемориалдық Ескерткіш тақтаны салтанатты жағдайда ашу рәсімі өтті.
Ақмола облыстық сотының төрағасы Досжан Әміров Ш.Уәлиханов атындағы Көкшетау мемлекеттік университетінің студенттері үшін ашық дәріс өткізді.
Облыстық соттың қызметкерлері мен келушілер «адал сауда дүкенінде» сатып алған заттарының ақшаларын жәшікке қалдырып сауда жасайды. Мұнда сатушы жоқ, тек заттардың бағалары көрсетілген және осы жерде жәшік қойылған.
Жобаның мақсаты-қоғамда сенім ахуалын орнықтыру болып табылады.
Атбасардағы орталық көшелердің біріне XVIII ғасырдағы қоғамдық және мемлекеттік қайраткер Қанай бидің атын беруге арналған салтанатты іс-шара өтті.
Досжан Әміров Зеренді, Сандықтау, Атбасар, Жақсы, Есіл, Жарқайың аудандарында тұрғындармен көшпелі кездесулер өткізді. Облыстық соттың төрағасы жүргізіліп жатқан сот жүйесін жаңғыртудың қырларын түсіндіріп, сот ісін жүргізуде татуластыру процедаруларын, мемлекеттік тілді, заңға енгізілген түзетулерді қолдану туралы сөйледі.
Ақмола облысында Целиноград аудандық соты ғимаратының алдында, Ақмол селосының «Жеті жарғы» көшесіне қарайтын жағында «Үш би» монументінің салтанатты түрде ашылу рәсімі болып өтті.
Өңірдегі қуанышты оқиғаға айналған бұл іс-шараға аудан тұрғындары, сот жүйесінің, әкімдіктің, мәслихаттың, құқық қорғау органдарының, мемлекеттік мекемелердің, бизнес-құрылымдардың өкілдері, еңбек және сот жүйесінің ардагерлері қатысты.
Ақмола облыстық сотының төрағасы Досжан Әміров «дөңгелек үстел» өткізді, оған қатысушылар сот ісін жүргізуде және іс қағаздарының жүргізілуінде тіл туралы заңнама нормаларының толыққанды қолданылуына кедергі келтіретін проблемалық мәселелерді талқыға салды.
Талқылауға судьялар, облыстық әкімдік, прокуратура, полиция, мемлекеттік кіріс, әділет, ішкі саясат, жеке сот орындаушылары өңірлік палатасының және басқа да мекемелердің өкілдері қатысты.
