адвокаттар

Жоғарғы Соттың қылмыстық істер жөніндегі сот алқасының төрағасы Әбдірашид Жүкенов соттардың адвокаттардың заңмен берілген барлық әлеуетін іске асыруға бекемдігі туралы айтты. Жоғарғы Соттың жарыспалылық, қорғау мен айыптау тарапының теңдігі қағидатын бастамашылық жасап ілгерілетуге күш салатыны аталып өтілді. Сонымен қатар, бірқатар еуропалық елдердің тәжірибесі бойынша қылмыстық сот ісін жүргізуге қорғау актісі мен айыптау актісін қылмыстық іс материалдарынсыз сотқа жіберу практикасы  талқыланды.

Ақмола облыстық сотының төрағасы Досжан Әміров пен Ақмола облысы адвокаттар алқасының төрайымы Ғалия Ибраева азаматтық, қылмыстық және әкімшілік сот ісін жүргізу қағидаларын сақтау, азаматтардың құқықтарын, бостандықтары мен заңды мүдделерін қорғау, татуласу рәсімдерін жан-жақты дамыту бойынша өзара іс-қимылды нығайту, сот ісін жүргізудің жариялылығы мен ашықтығын қамтамасыз ету, судьялар мен адвокаттар арасында сыбайлас жемқорлықтың алдын алу мәселелері бойынша өзара ынтымақтастық туралы меморандумға қол қойды.

Қылмыстық істер жөніндегі мамандандырылған ауданаралық әскери соты «Сот кабинеті» сервисінің жаңа мүмкіндіктерін және оны қолдануды түсіндіру мақсатында Астана қаласының заң кеңесінің адвокаттарына семинар сабағын өткізді.

Семинар тыңдаушыларына «Сот кабинеті» электронды сервисіне тіркелу/кіру нұсқаулығынан бастап, сервис функционалдарының әрқайсысының ішіндегі тараулары бөлек-бөлек мысалдар келтіру арқылы түсіндірілді.