Шығыс Қазақстан облысы соттарына ағымдағы жылдың 10 айында түскен 58 мың талап арыздардың ішінде 57 мыңға жуығы электронды түрде түскен
Шығыс Қазақстан облыстық сотының төрағасы Досжан Әміров облыстық аймақтық коммуникациялар қызметінде сот жүйесінің дамуы жөнінде БАҚ өкілдеріне арналған баспасөз-мәжілісін өткізді.
Облыстық сот төрағасы баспасөз мәжілісін аша отырып, Жоғарғы Сотпен бекітілген Ұлт Жоспарының барлық 10 қадамы, яғни сот жүйесін жетілдірудің ашықтығы мен жариялылығын қамтамасыз етуге қатысты жұмыстардың орындалғандығы жөнінде атап өтті. Оған қоса, сот жүйесінің басымдығы оның ашықтығы екендігіне де тоқталды.